خدمات استماع و استشارة : احكيلي

في اطار برنامج موجودين للدعم موجودين توفر خدمات استماع و استشارة : احكيلي 

الاستماع و الاستشارة هي من اهم الخدمات الي توفرهم موجودين لتحسين الصحة النفسية لافراد المجتمع الكويري , عندنا مجموعة متطوعة الي تستغل وقت فراغها في سماع الناس و نصحهم.ن و اجابتهم.ن بالكتيبة .

افراد المجتمع الكويري يجيو يطلبو النصيحة و المشورة على برشا مواضيع مش كان ما يتعلق بجنسانيتهم.ن او هويتهم.ن الجندرية اما على حياتهم.ن بصفة عامة .

في موجودين يقابلو الكويريين.ات و الحلفاء و الحليفات الي عندهم.ن تجارب عاشوها على شمعناها تكون كوير في تونس .

المستشارين.ات في موجودين ماهمش محترفين.ات ة هوما.ن  فقط تحصلو.ن على تكوين و زادة يتمتعو.ن بمهارات معينة تخليهم.ن يسمعو من غير احكام و يوجهو الناس بش يلقاو حلول لرواحهم.ن وحدهم.ن و هذا من خلال طرح الاسئلة المناسبة في الوقت المناسب.

الكويريين.ات في تونس معزولين.ات , يستهزؤو بيهم.ن و يتم الاعتداء عليهم.ن و متعرضين.ات للعنف لمجرد التعبير على رواحهم.ن و وجودهم.ن و كي يحبو يمشيو لناس تسمعهم.ن و توجههم.ن يحكمو عليهم.ن بسبب هويتهم.ن الجندرية او ميلهم.ن الجنسي و يبداو يلقاولهم.ن في حلول سحرية متاع شعوذة بش يداويوهم.ن و توصل احيانا للاغتصاب في عوض يسمعوهم.ن و يعاونوهم.ن . في برشا حالات المختصين.ات كيما مثلا في الصحة يحكمو عليهم.ن و يمارسو عليهم.ن التمييز و لذا احنا نقدمولهم.ن الخدمات هاذي 

الحصص هاذي تنجم تكون 

بطريقة مباشرة اي وجها لوجه 

على الرقم الاخضر من غير ما تفصح على هويتك 

و الا على الموقع هذا

خدمة احكيلي موجودة  بفضل دعم نشطاءنا  والدعم المالي من الجهات المانحة والشركاء: 

Recommended Posts