Skip to content

برامجنا

خدمتنا هي إننا نوفرو للتشش في تونس إطار متاع تضامن ينشطو فيه. نبنيو القدرات و ندعمو الكوميطا و نرفعو من الوعي بخصوص الميل الجنسي و الهويّة الجندرية و التّعبير الجندري و صفات الجنس.

موجودين عندها تلاثة مجالات رئيسيّة تخدم عليهم 

الدّعم

أحنا نحبّو النّاس أصحاب الميل الجنسي و الهويّة الجندرية و التّعبير الجندري و صفات الجنس اللامعياريّين يعيشو مرتاحين في تونس. موجودين تتجاوب بالوقت مع أفراد الكوميطا إلّي يكونو في خطر و إلّا تعرضو لإنتهاكات و جرائم كراهيّة. أحنا نسكنوهم لمدّة معينة و نوفرولهم الدّعم النّفسي و القانوني و الطبّي و الإستشارات. الحاجات هذي التشش مستحقّينهم خاصّة كي يكونو الدّولة و المجتمع خانقينهم. بالناشطات و الناشطين المتكونين و الخدمات إلّي نوفروها و شبكة أصدقائنا إلّي نلقاوهم كي نبداو حاجتنا بيهم نكونو وفّرنا مستحقّات الناس ألي تقصدنا للمساعدة

تبديل الراي العام

نحبّو النّاس توعى بحقوق المجتمع الكويري و تصلّح فهمها الغالط للمجموعة هاذي. و نحبّو الفصل 230 من المجلّة الجزائيّة إلّي يجرّم العلاقات الجنسيّة بين المثليين والمثليات يلغى. أحنا نخدمو ببرشا طرق أوّل حاجة, نظمو دورات تدريبيّة على الهوية الجندرية و التعبير الجندري و الميل الجنسي و خصائص الجنس, نقويو في قدرات ناشطات و ناشطي حقوق المجتمع الكويري ثاني حاجة, الحملات التوعوية و إخراج منتوجات كيما المجلّات و المقالات و أشرطة الفيديو بش نزيدو نعرفو بالميل الجنسي و الهويّة و التّعبير الجندري و صفات الجنس. ثالث حاجة,نخدمو مع المنظّمات الوطنيّة و الدّوليّة بش نبدلو التّشريعات إلّي فيها تمييز.

تقوية الكوميطة

من أهم أهدافنا أنّو نوجدو بلايص امنة تخلّي التشش يكونو أقوى و على راحتهم خاطر في الإطار هذا المعايير التّقليديّة تتحط على جنب. المساحات هذي نستحقّولها برشا في تونس و هي مجعولة للنّاس المهمشة في المجتمع بسبب ميلهم الجنسي و إلّا هويّتهم الجندريّة. في البلايص هاذي نقدمو التّدريبات و ورشات العمل إلّي يستحقّولها أفراد الكوميطا, نوفرو الفرص باش النّاس تعرف بعضها و تتبادل الأفكار و تخلق مع بعضها, و عندنا أنشطة ثقافيّة كيف نوادي السّنما و الموسيقى. بخلاف إلّي فمّا وثائق متوفّرة تعرّف بالميل الجنسي و الهويّة الجندريّة

Register Account

Have an account? Login here