دار الزرافات

ورشات لايلو الهوية (نظرة الى الداخل نظرة الى الخارج) هي جزء من برنامج موجودين في بناء الكوميطة (المجتمع الكويري)

في موجودين نمنو انو اولا لازم نكونو نعرفو كيفاه نفهمو رواحنا و نستعملو هذا بش نعملو تحركات اجتماعية . هذا الي شجعنا بش نعملو ورشات اللايلو في تونس الي يوفر فضاء مهم بش نكتشفو رحلة و معيش كل انسان.ة مع ميلو.ها الجنسي و هويتو.ها الجندرية .

منهجية اللايلو تعاون المشاركين.ات في الورشة بش يركزو على اضفاء طابع شخصي على المفاهيم المتعلقة بالهوية اي يفسروها انطلاقا من رواحهم.ن في العالم هذا الي ما يفهمهمش.

"انا فرحان خاطر فهمت روحي شكون و شنوا نحب نعمل "
مشترك في اللايلو

لايلو الهوية يعتمد على مقاربة شخصية في اكتشاف الهوية الجندرية و الميل الجنسي .  الهدف متاع الورشة انو نشجعو الناس الكويريين.ات يتبناو هويتهم.ن بايجابية و يكون مفهومهم.ن بذاتهم.ن قوي و عندهم احترام كبير لرواحهم.ن .

نشجعو زادة المشتركين.ات انهم.ن يدمجو هويتهم.ن الكويرية مع صفاتهم.ن الاخرى و ادوارهم.ن و يشوفو رواحهم.ن كمزيج من برشا حاجات بنقاط قوتهم.ن و مهاراتهم.ن .مواضيع الورشة يحتويو على اللغة الي نستعملوها , نموذج التطور في استكشاف الهوية الجندرية و الميل الجنسي , المهارات في العلاقات , انشاء مجموعة دعم ايجابي , المهارات في الافصاح و نفهمو زادة اثر الاحكام المسبقة و التمييز

" توا انجم نكون حاسمة في حياتي , نحبكمن و عيشكم.ن على كل شي "
مشتركة في اللايلو

اذا تعرّف روحك بكونك فرد من المجتمع الكويري و تعيش في تونس و تحب تشارك في الورشات هاذي تبع صفحة الفايسبوك متاعنا بش تعمّر الاستمارة و الا ابعثلنا على البريد الالكتروني Contact@mawjoudin.org

ورشات اللايلو هوية موجودين في تونس بفضل مساعدة ممولينا و شركائنا و شريكاتنا و المتطوعين.ات

Recommended Posts