Skip to content

عصيان كويري

في كل مرة تمشي فيها في الشارع و زناقي المدينة حتى لمحطة المترو بش تعصر روحك بين بدنّات

الناس الي يجريو بش يطلعو في المترو , انا ما نتشافش بالنسبة ليك . واقف.ة في التركينة وين تنجم تشوفني اما ما تفهمش انا شكون . نحكي بلسانك و تسمعني اما ما تسمعش شنوة نحب نقول. نحكيو نفس اللهجة , نقراو في نفس القسم و نحييو فرد علم اما ما نتصورش كان عندنا نفس الاحساس بالانتماء .

و لو انو انا وياك ماناش مختلفين.ات لهكا الدرجة , كان نخممو فيها نلقاو الي احنا الزوز لقنونا بنفس الطريقة , غذاونا بنفس العادات و حطولنا نفس القواعد الي كان نتجاوزوهم يقلقوني كيما يقلقوك.اما هنا تبدا الحكاية . وسط التغيير و الفوضى , انا اخترت نعفص عليهم القواعد هاذم و انت اخترت الحياد.

اخترت نشوف روحي في البلايص الي تنبذني , في المخاخ الي تقصيني , في النظام الي يقمعني , في اللوغة الي ما تحبش تستعرف بيا , في المجتمع الي يتعدّا عليا و تجرّأت نغذّي العصيان الي تولد فيا لين اطّرشق و خرج كي شرارة النار.

لذا توا , انا موجود.ة , الكلنا موجودين.ات , في البلايص الكل الي تحبنا نختفيو منهم , اما ماناش بش نختفيو , بش نثورو عليكم…

كي تبدا حياتك كاملة ما تتشافش , كي الظل على مر الاجيال الي ما تحبش تسلّط عليك الضو , بش تتعبّى بالغش , بالغل و تتعطش انك تثور على كل شي .

صوت المقموعين.ات عالي حتى كان ما يسمعو حد .

صوت العصيان الكويري عالي حتى كان ما يسمعو حد.

هذا صوت العصيان , العصيان الكويري , مستعد.ة بش تسمعو توا ؟

العصيان الكويري هو تجسيد للنضالات الكويرية و العراقيل الي تتعرضلها في تونس . بش نتفكرو كل الي غادرونا تحت القمع , العنف و الكراهية .

يسقط 230 !!

تسقط الكويرفوبيا !!

Produced by: Mawjoudin We Exist
Photo by: Melek Abderrahman
Design by: Boshra Yumi

Queer riot Facebook Profile Picture Frame

#QueerRiot #stopQueerphobia #power #resistance #pride #LGBTIQ+ #Love #Tunisia

Register Account

Have an account? Login here