مجتمع الميم و الهجرة

في اطار برامج الدعم خصصت موجودين هذا المشروع لافراد المجتمع الكويري من اللاجئين.ات و طالبي.ات اللجوء و المهاجرين.ات .

المشروع هذا بداتو موجودين في مارس 2019 و ركزنا فيه على اللاجئين.ات , طالبي.ات اللجوء و المهاجرين.ات الي يعيشو في تونس و الا بش يتعداو من تونس لبلاد اخرى . من خلال تجربتنا لاحظنا الي فما حاجة كبيرة للوصول للمعلومة و انو برشا خدمات مش متوفرة و زادة فما برشا حالات تمييز.

هدفنا من المشروع هو : 

  • توفير المعلومات و الاعانة لطالبي.ات اللجوء الكويريين.ات في تونس 

  • تقوية قدراتهم.ن بالورشات و التكوينات المختلفة في اوقات فراغهم.ن 

  • توفير تكوينات و معلومات و مساعدة للجمعيات الي تخدم مع طالبي.ات اللجوء و المهاجرين.ات و اللاجئين.ات على موضوع الميل الجنسي , والهوية الجندرية ,التعبير
    الجندري و الخصائص الجنسية 

  • تحسيس الي يخدمو على الموضوع هذا في كل ما يتعلق بالهوية الجندرية و الميل الجنسي 

  • تكوين شبكة بين الجمعيات الي تخدم على المجتمع الكويري و مقدمي.ات الخدمات للجمعيات الي تخدم على اللجوء 

  • تكوين قاعدة بيانات دولية بين الجمعيات الي يا تخدم او حتى تساند في طالبي.ات اللجوء و المهاجرين.ات و اللاجئين.ات و نربطو علاقات بين الدول من خلال ناس الي فيها ثقة 

في 2019 في اطار مشروعنا هذا خرّجنا دليل للمهاجرين.ات , طالبي.ات اللجوء و اللاجئين.ات في تونس . الدليل هذا متوفر بثلاثة لغات (الانقليزية , الفرنسية و العربية) تنجمو تتحصلو عليه بلاش من الرابط هذا

 انجمو زادة نعطيوكم النسخة المطبوعة 

تنجمو تتواصلو معانا على عنوان البريد الالكتروني هذا:

asylum@mawjoudin.org

مشروع مجتمع الميم و الهجرة موجود بفضل دعم نشطاءنا  والدعم المالي من الجهات المانحة والشركاء: 

Recommended Posts