من غير معيارية

جات من فكرة اننا نوفرو فضاء امن من غيراحكام تعتمد الثنائية المعيارية للمجتمع الكويري بش يعبرو.ن على رواحهم.ن 

كان مهم برشا اننا نوعيو الحاضرين.ات بأهمية الرضا الجنسي و التعفنات المنقولة جنسيا. 

لايلو الهوية يعتمد على مقاربة شخصية في اكتشاف الهوية الجندرية و الميل الجنسي .  الهدف متاع الورشة انو نشجعو الناس الكويريين.ات يتبناو هويتهم.ن بايجابية و يكون مفهومهم.ن بذاتهم.ن قوي و عندهم احترام كبير لرواحهم.ن .

نشجعو زادة المشتركين.ات انهم.ن يدمجو هويتهم.ن الكويرية مع صفاتهم.ن الاخرى و ادوارهم.ن و يشوفو رواحهم.ن كمزيج من برشا حاجات بنقاط قوتهم.ن و مهاراتهم.ن .مواضيع الورشة يحتويو على اللغة الي نستعملوها , نموذج التطور في استكشاف الهوية الجندرية و الميل الجنسي , المهارات في العلاقات , انشاء مجموعة دعم ايجابي , المهارات في الافصاح و نفهمو زادة اثر الاحكام المسبقة و التمييز

في السهرية عدد من الفنانين.ات الكويريين.ات اللي قدموا.ن عروض موسيقية و رقص و عروض دراغ و عرض أزياء.

المكان لكل كان تحت مسؤولية فريق كويري تلها بكل الأمور اللوجيستية و الامن .

احنا نمنو بالابداع الكويري و نتمناو انو تكون هذه البداية لسهريات و لمات أخرى .

سهريات موجودين  بفضل  المتطوعين.ات