مهرجان موجودين للافلام الكويرية

مهرجان موجودين للأفلام الكويرية هو مهرجان نعملوه كل عام باش نحتفلو بالناس إلي هوما  +LGBTIQ . بدى أول مرة عام 2018 و كان أول مهرجان للسينما الكورية فالبلاد و في شمال أفريقيا الكل. تركيز متاعنا الكل عالهوية الكويرية و بالاخص في منطقة بلدان الجنوب. 

المهرجان نعتبروه حاجة شجاعة برشة، و مركز أكثر على مبدأ التقاطعية في مجابهة العنف الاذطهاد و التمييز على أساس النوع الجندري.  البرنامج متاعو المميز متاع الافلام كلو اكتشافات و يشجع عالتفكير و يطمح إنو يوري مفاهيم و حاجة ننساوه في تخمامنا العادي و إلا مانيش فايقين بيه.

"المهرجان يعنيلي كيما لمة العيلة. هو فرصة بش نعرف صحاب جدد و نقابل عيلتي إلي انا خترتها. هو فرصة بش نحس بالإنتماء و إنو فما شكون يحبني، فرصة بش نكون كما أنا و منحسش روحي خايفة مالعواقب. "
آش ماكوير
مشاركة فالمهرجان

المهرجان لول بالكل صار من 15 إلا 18 جانفي 2018 و خذا تمويل من عند Hirschfeld Eddy Foundation . ركز برشى بالاخص على الجندر و الجنسية اللامعيارية. بخلاف إنو تحطوا 12 فيلم قصير و متوسط، صارو إحتفالات، مناظرات و نقاشات  Queer as Art الكورية كفن و Queer as Resistance كورية كمقاومة .

المهرجان في نسختو الثانية تعمل من 22 إلى 25 مارس في سنتر فيل تونس. الهدف كان إنو نغطيو الطيف الكامل متاع  +LGBTIQ و نحكيو على النسوية. الكل في الكل حطينا 31 فيلم، من برشى بلايص، كما الارجنتين، الصين، الهند، كينيا ، باكستان، برتغال و بالطبيعة تونس.بخلاف الأفلام زادة كان فمة عروض، مناظرات، و عرض مسرحي اسمو  نحو مسرح كويري “Towards a Queer Theater

المهرجان قاعد احضر في دورتو الجاية 

 

بش تعرفوا أكثر معلومات شوفو موقع المهرجان 

 

 

و تنجموا تتصلوا بالمشرفات على المهرجان 

artisticmqff@mawjoudin.org
mqff@mawjoudin.org

مهرجان موجودين  موجود  بفضل دعم نشطاءنا  والدعم المالي من الجهات المانحة والشركاء: 

Recommended Posts