مبادرة موجودين للمساواة هي جمعيّة غير حكوميّة معترف بيها في تونس.
نحاربو الإقصاء المبني على أساس الهويّة الجندريّة و التعبير الجندري و الميولات الجنسيّة و خصائص الجنس ، ندافعو على المساواة في الحقوق للنّاس الكل
0
+
أعضاء و عضوات
0
+
مشاريع
0
+
مستفدين و مستفيدات
تأسست موجودين في 2014 على يد مجموعة من الناشطات و الناشطين الشباب, نسويات و نسويّين, مثليّات و مثليين و مزدوجي.ات الميول الجنسي اللي كانو يخدمو مع بعضهم في مجموعات نشيطة أخرى. كنّا متقلقين مالوضع متاع المجتمع الكويري و من القمع للحقوق الجسديّة والجنسيّة في تونس. على هذاكا عملنا موجودين بش نساهمو في تغيير وضعية أفراد المجتمع الكويري و نزعزعو القواعد اللي تحصر البدن و الجنسانيّة
الرؤية متاعنا (باش نحلمو ؟)
تتمثّل الرؤية متاعنا في نشر ثقافة حقوق الإنسان بش نولّيو نعيشو في مجتمع مافيهش لا إقصاء لا رهاب مثلية و لا تمييز جنسي, مجتمع يحمي السلامة و الكرامة و يحتفي بالإختلاف
أهدافنا (شنحبّو نعملو؟)
موجودين تحب تحسن الصحة النفسية متع الكوميطة التشتوشية في تونس، تخلق كوميطة قوية و واعية بحقوقها و عندها الأدوات بش تدافع على روحها. موجودين تهدف زادة بش تبدل الراي العام على الجندر و الجنسانية.
المهمّة متاعنا (فاش نعملو ؟)
تسعى موجودين للدفاع و نشر حقوق الإنسان الكل و خاصة الحقوق الجنسيّة و الجسديّة و المساواة الجندرية زادة بخدمة متنوعة تركّز على المناصرة و ممارسة الضغوطات و التوثيق و تعزيز قدرات الكوميطا و التوعية
مجالات خدمتنا ( علاش نركزو ؟)
المحاور الرئيسية في خدمتنا هي: الحقوق المتعلقة بالميل الجنسي، والهوية الجندرية و التعبير الجندري، و خصائص الجنس ، الحقوق الجسدية ، المساواة على أساس الجندر والحقوق الجنسية والانجابية .